அ தி க வி லை க்கு வா ங்கப்ப ட்ட ‘ரேபிட் கிட்’ : கொ ரோனா டெஸ்ட் கிட் வா ங்குவதில் அ.தி.மு.க அ ரசு மு றை கே டு?

கொரோனா தொற்றை பரிசோதிக்கும் ‘ரேபிட் டெஸ்ட் கிட்’ கொள்முதலில் அ.தி.மு.க அரசு முறைகேடு செய்துள்ளதாக குற்றச்சாட்டு எழுந்துள்ளது.

இந்தியாவில் பரவி வரும் கொரோனா பாதிப்பு நாளுக்கு நாள் அதிகரித்தபடி உள்ளது. இந்தியாவில் கொரோனா அதிகம் பாதித்த மாநிலங்களின் தமிழகமும் ஒன்று. இந்நிலையில் தமிழக அரசு ‘ரேபிட் டெஸ்ட் கிட்’ கொள்முதல் செய்ததில் முறைகேடு செய்துள்ளதாக குற்றச்சாட்டு எழுந்துள்ளது.

கொரோனா நோய் பரவலை தடுக்கும் முயற்சியில் பெரும் எண்ணிக்கையிலான பாதிப்புகளை துரிதமாகக் கண்டறிய உதவும் ரேபிட் டெஸ்ட் கிட்களை தமிழக அரசு சீனாவிடம் ஆர்டர் செய்தது. அது பல்வேறு தாமதத்திற்கு பிறகு தற்போது தமிழகத்திற்கு வந்து சோதனைப் பணியும் தொடங்கி உள்ளது. இந்நிலையில், இந்த ரேபிட் டெஸ்ட் கிட்களின் விலை அதிகமாக இருப்பதாகவும், மற்ற மாநிலங்கள் குறைந்த விலைக்கு வாங்கியிருப்பதும் தெரியவந்துள்ளது.

இதனிடையே நேற்று நடைபெற்ற பத்திரிக்கையாளர்கள் சந்திப்பில் இதுகுறித்து சுகாதாரத்துறை அமைச்சர் விஜயபாஸ்கரிடம் கேள்வி எழுப்பப்பட்டது. ஆனால் அதற்கு அமைச்சர் பதில் சொல்லாமல் அதிகாரிகளை பதிலளிக்க கூறினார். ஆனால், அதிகாரியோ சரியான பதிலை சொல்ல முடியாமல் தயக்கம் காட்டி பதறிப்போன சம்பவம் பெரும் சந்தேகத்தை ஏற்படுத்தியுள்ளது.
அதிக விலைக்கு வாங்கப்பட்ட ‘ரேபிட் கிட்’ : கொரோனா டெஸ்ட் கிட் வாங்குவதில் அ.தி.மு.க அரசு முறைகேடு?

இதனையடுத்து பத்திரிக்கையாளர்களின் கேள்விக்கு பதில் அளித்த தமிழ்நாடு மருத்துவப் பணிகள் கழகத்தின் நிர்வாக இயக்குநர் உமாநாத், ரேபிட் டெஸ்ட் கிட்களுக்கு இந்திய மருத்துவ ஆராய்ச்சிக் கழகம் ஏப்ரல் 2ஆம் தேதி ஒப்புதல் அளித்தது. அதற்கு அடுத்த நாளே ரேபிட் டெஸ்ட் கிட்களை வாங்கும் முயற்சியில் மத்திய அரசு கொடுத்த அதே விலையில் ஏப்ரல் 4ம் தேதி ஆர்டர் செய்தோம்.

குறிப்பாக மத்திய அரசு வாங்கிய இடத்தில் தான் வாங்கியதாக பதில் அளித்த உமாநாத், விலையை மத்திய அரசிடம் தான் கேட்கவேண்டும் என சம்பந்தமே இல்லாதது போல் பேசியது மேலும் அதிர்ச்சியை ஏற்படுத்தியது. இதனிடையே அதிகாரியின் பேச்சுக்கு இடையில் குறுக்கிட்டு அமைச்சர் விஜயபாஸ்கர் பேசினார்.

பின்னர் மீண்டும் பேசிய உமாநாத், நாம் ஆர்டர் செய்த போது அங்கு 7 நிறுவனங்கள் தான் இருந்ததாகவும் சட்டீஸ்கர் மாநிலம் ஆர்டர் செய்திருக்கும் கம்பெனிக்கு அப்போது ஒப்புதலே இல்லையென்றும் கூறிய அவர் நாம் ஆர்டர் செய்த பிறகுதான் கிட்களுக்கான சுங்கவரி, சுகாதார சிறப்பு வரி ஆகியவை நீக்கப்பட்டன என தெரிவித்துள்ளார்.
அதிக விலைக்கு வாங்கப்பட்ட ‘ரேபிட் கிட்’ : கொரோனா டெஸ்ட் கிட் வாங்குவதில் அ.தி.மு.க அரசு முறைகேடு?

அப்போது குறுக்கிட்ட பத்திரிக்கையாளர்கள் ”கிட்களின் விலையை சொல்வதில் அரசுக்கு என்ன தயக்கம்? ஒரு கிட்டை 600 ரூபாய்க்கு வாங்கியதாக சொல்லப்படுகிறதே, அது சரியான தகவல் தானா?” என கேள்வி எழுப்பினர். அதற்கு பதிலளித்து பேசிய உமாநாத், குறைந்த விலையில் வாங்கியதைக் குறைசொல்லக்கூடாது என கூறிவிட்டு பத்திரிக்கையாளர் சந்திப்பின் முடிவில், தமிழக அரசு ஒரு கிட்டை 600 ரூபாய் விலைக்கு வாங்கியிருப்பது தொடர்பான ஆவணங்களை காண்பித்தார்.

தமிழக அரசு அதிக விலைக் கொடுத்து வாங்கியது தொடர்பாக கொடுக்கப்பட்ட விளக்கம் திருப்திகரமாக இல்லையென்று கூறப்படுகிறது. இதற்கு முன்னதாகவே சட்டீஸ்கர் மாநில சுகாதாரத் துறை அமைச்சர் டி.எஸ். சிங் தியோ, “75,000 கிட்களை ரூ.337 + ஜி.எஸ்.டி என்ற விலையில் தென்கொரிய நிறுவனம் ஒன்றிடமிருந்து வாங்கியிருக்கிறோம். இந்தியாவிலேயே இது மிகக் குறைந்த விலை” என குறிப்பிட்டிருந்தார்.

தமிழக அரசு மத்திய அரசு விலையில் வாங்கிருந்தாலும், பின்னர் அறிவிக்கப்பட்ட சலுகையை தமிழகத்திற்கு மத்திய அரசு வழங்காதது ஏன் என்ற கேள்வியும் எழுந்துள்ளது. தமிழக அரசு கொரோனா பரிசோதனைக் கருவி வாங்கியதில் முறைகேடு செய்துள்ளதா? என்பதை நீதிமன்றம் விசாரிக்க வேண்டும் என சமூக ஆர்வலர்கள் கோரிக்கை வைத்துள்ளனர்.

Sharing is caring!

Leave a Reply

Your email address will not be published. Required fields are marked *

shares